Mundord-Sred

DI STEFANO · Beitrag von **DI STEFANO** » 05 Jul 2007, 20:03

Alsu , iech winsch aich nochad dann amoll fill schbass am Baraida bercherfest und saufd ned sufill , das nochad wenn i widda vum bluusfesd kumm a nuch a wengla fir miech ibrich is.

sam · Beitrag von **sam** » 05 Jul 2007, 22:36

Schdefano, hosd du eichendlich a a schlauchbood dabei. die ham nämlich bei die schwoom mambfsuunordicha reng gmeld.

Hecke4Life · Beitrag von **Hecke4Life** » 09 Jul 2007, 15:18

Weddernei wir worn iebers Wochenend flädräidsaufen im osdn..

Des wor a feina sach do an der dschächischn gränds!

Bareider · Beitrag von **Bareider** » 09 Jul 2007, 15:31

Hecke4Life hat geschrieben:Weddernei wir worn iebers Wochenend flädräidsaufen im osdn..

Des wor a feina sach do an der dschächischn gränds!

Wos sogdn do dei Mudda?? Und wor do dei Vadder ebber aa dabei???
Jessas, iech muss mich scho wunnern, wie die Juuchnd vo heid ford mehra verkummd... Und die Eldern schaua zu. Odder machn mid!

Schliiiimm...

Hecke4Life · Beitrag von **Hecke4Life** » 09 Jul 2007, 15:38

Meina beidn äldern worn dabei, obber iech hob nadürlich ned miedgemachd..

Sondern jemand annersch *husd*

Sid · Beitrag von **Sid** » 09 Jul 2007, 15:43

Solcha Eldern hädd iech a gern ghabd - obwohl, naa, lieba ned! Wenn iech ma dess su vorschdell - sellmols (oder weiland

) mid meina Eldern auf a Bardie geh? Do hädd iech ned aan Schlugg Algohol nunda brochd...

Wigo · Beitrag von **Wigo** » 09 Jul 2007, 18:31

Des wor a offizieller Vereinsausfluch. Und su viel is do a widder ned gsuffn worn. Mei Fraa fasd nix, der klaa a weng wos, und iech, naja., a zwaa heffella

schorschla · Beitrag von **schorschla** » 09 Jul 2007, 19:52

ausm drei-lidder-gruuch

Hecke4Life · Beitrag von **Hecke4Life** » 09 Jul 2007, 20:21

Der ko im momend ned andwordn, der is auf der nachbedrachdung vom ausfluch!

Eckes · Beitrag von **Eckes** » 10 Jul 2007, 14:50

Manchmol bewunner iech ja die Juchend von heid, Flaedraedsaufn hods zu meina Zeid nonich gem, schod eigndlich. Do bisd dann imma omds a Haufn Geld lusworn, obwull zu unnara Zeid hod ma ja bluss Bier gedrungn, des mid denna Koggdaels hods ja do nonich gem. Do hosd a Bier beschdellt und zu jedn Bier hald a Schnäbbsla.
Worn des domols nuch scheena Zeidn in Kanabee drum, do hod ja jedn Diensdoch da Schnabs für 99 Minudn bluss 99 Pfenning kosd. Da Leu hod glaab i amol aanahalb Flaschn nindagsuffn und danach is a nu midn Audo haamgfoan... vazilln sich zumindesd nu heid die Leid

Ongeblich hodda ja domols nuch dangn welln und is dann bei da Arol am Eishoggischadion bein Berrnreida neigfohrn, hods oba nimma su orch mid da Koordinadzion ghad und hod maan iech zwaa Zabfseiln midgnumma.

Godd sei Dang is nix exbludiad domols, owa iech maan drei Monad worra drodzem in Sangd Schorsch draußn gsessn...

Hans Mustermann · Beitrag von **Hans Mustermann** » 02 Aug 2007, 00:28

Flaedraedsaufn is ja wohl dodal der bringer, und des loch saggd wie die sau middlerweiln

der leu · Beitrag von **der leu** » 10 Aug 2007, 14:53

@ Eckes

Bleeder Oarsch!

Sams · Beitrag von **Sams** » 03 Okt 2007, 12:24

Soochd amool, iehr hobbd woll ann eierm Faierdooch aa olla niggs bässers dsu doo ols in demm Foahrum abbdsuhänga?!

Mitch BT · Beitrag von **Mitch BT** » 03 Okt 2007, 12:51

Für uns iss ja die Deidsche Einheid nix bsonders, für Eich Huufer hald scho, wall die ja domolzich die Grenzn zu uns rieber aufgmachd hamm und Ihr dann aa woss vu unserm Wohlschdond abgriechd habbd.
Also, feierd nuch schee,gell!

sam · Beitrag von **sam** » 03 Okt 2007, 12:53

Die Trabis stauen sich schon wieder vor der Ausfahrt Hof-West